අපේ රට වෙනුවෙන් අපි වෙනුවෙන් අනාගත පරපුර වෙනුවෙන් අත පය ඇස් මස් ලේ විතරක් නෙවෙයි අපි මේ තරම් පරිස්සම් කරන පන ටිකත් දන් දුන්නු ඒ උතුම් රණවිරුවන් වෙනුවෙන් අපි කැපවුණු යුගයක් තිබුනා මතකද ? ඒ රණවිරුවන් වෙනුවෙන් ජය ගී ගයපු හන්දියක් හන්දියක් ගානේ කිරිබත් උයපු ප්‍රීති ගෝෂා නගපු ලයිට් කණුවක් කණුවක් ගානේ රණවිරුවන්ට ස්තුති කරලා බැනර් දාපු ඒ අතීතය මතකද ?
කෙලෙහිගුණ දන්නා උතුම් ශ්‍රී ලාංකිකයන් ලෙස අපි කිසි විටෙකත් ඒ ජාතික විරුවන් හදවතින් අමතක නොකරයුතුයි. ඒ වගේම රණවිරුවන්ව දන්ගෙඩියට යවන්න හදනා මෙවැනි යුගයක ඔවුන් වෙනුවෙන් පෙනී සිටින්න අපි ඔබ සියලු දෙනාම කටයුතු කල යුතුම කාලයක් පැමිණ ඇති බව අපි වටහා ගත යුතුයි.ඔවුන් වෙනුවෙන් හඬ නැගීම ඔවුන් අප වෙනුවෙන් කල පරිත්‍යාගය මෙන් දසමයක තරම් වත් නොවුනත් අපි මේ මොහොතේ නිහඩව සිටියොත් එය අපි මේ රටට කරනා ලොකුම හතුරුකම බවට පත් වේවි .
එහෙම නොවුනොත් අපි සත්‍ය බවට පත්කරන්නේ ,සමහරුන් කිව් පරිදි "ප්‍රබාකරන් මහතා " නම් කුරිරු ත්‍රස්තවාදියා සිංහලයන් ගැන කියූ ප්‍රසිද්ධ වාක්‍යයයි ....
අපි ඉන්නම්.... ඔබ වෙනුවෙන් හිත් දරන්
රන් වැටක් මෙන් දෙරනේ.... ඔබයි අපේ දෙය්යෝ
අවියක් අතට ගනු බැරි...
සවියක් වන්න පලදිමි
රන බිම දසතින් ....දිනා දෙන්නේ ඔබ තමා //
අපි ඉන්නම් ....ඔබ වෙනුවෙන් හිත් දරන්
රන් වැටක් මෙන් .....දෙරනේ ඔබයි අපේ දෙය්යෝ
ඔබ වෙනුවෙන්..... අපි විතරක් නම් නෙමෙයි
රන් කොතක් මෙන් දෙරනේ.... දිලෙයි මගෙ දෙය්යෝ
දහසක් පහන් දැල්වුනා...
සහසක් දෑත් එසවුනා
නව අරුනැල්ලේ... පිබිදෙන්නේ ඔබ තමා //
මේ අත්වැල... සැම අත දිලිසේවා
වීරිය ඇති සිත... ඇත් පවුරක් වේවා //
