ෆේස්බුක් සමාජ වෙබ් අඩවිය ඔස්සේ දෙදහසකට වැඩි මිතුරන් පිරිසක් ඔහු දනී. මිතුරන් ඔහු දන්නේ නව නිපැවුම්කරුවකු ලෙස නොව සමාජ සත්කාරක වැඩසටහන් කරන සමාජ සේවකයකු ලෙසය.
තුල්හිරිය මහා විද්‍යාලයයෙන් හා තෝලංගමුව මධ්‍ය විද්‍යාලයයෙන් ධනේෂ් අධ්‍යාපනය ලබා ඇත. ඔහුගේ පියා බිම්මල් ව්‍යාපාරිකයකු වූ අතර මව රැකියාවක් කළේ නැත. ඔහුට වැඩිමහළු සහෝදරියන් තිදෙනෙක් සිටිති. (2009 වසරේදී ඩෙංගු රෝගයෙන් පියා මිය ගොස් ඇත.) කුඩා අවදියේ සිට තාක්ෂණය දෙසට නැඹුරු වූ ඔහු අලූතෙන් යමක් සිතන්නට පුරුදු වී සිටියේය. බොහෝ දෙනා දකින දේ ගැන ඔහු වෙනස්ම ආකාරයකට සිතන්නට පුරුදු විය.
''මම මුලින්ම පරිගණකයක් අත පත ගෑවේ 1997දී. එතකොට මට වයස අවුරුදු 12ක් විතර ඇති.
''ඉස්සර මායා බන්ධන කියලා වැඩසටහනක් රූපවාහිනියේ ගියා. එහි එක තැනක තියෙනවා අතේ තියෙන ඔරලෝසුව දොරට ඇල්ලූවාම දොර ඇරෙනවා. මා මායා බන්ධන බලන ගමන් කල්පනා කළේ කොහොමද එහෙම ඇරෙන්නේ කියා. ඉතින් මා එක එක විදියට ඒක කර බැලූවා. අන්තිමට මං ආසන්න සන්නිවේදන පරිපථයක් මගින් මායා බන්ධන වැඩසටහනේ තිබුණු විදියට ඔරලෝසුවක් ඇල්ලූවාම දොර ඇරෙන විදියට හැදුවා.'' (Concept & product available at my Company page : https://www.facebook.com/
ඔහු පරිගණක හා තාක්ෂණය සම්බන්ධ බොහෝ දෑ ඉගෙන ඇත්තේ තනිවමය. පාසල් යන අවධියේ ඔහුට සිටියේ මිතුරන්
කිහිප දෙනකු පමණයි. මම එක එක විදියේ අත්හදා බැලීම් කළා. එහෙම අත්හදා බැලීම් කරද්දි පරිගණකය සමග කතා කළා. එතකොට ගොඩක් අය මට හිනා වුණා මට පිස්සු කියලා. ඒ නිසා පාසල් යන කාලේ මට වැඩියේ මිතුරන් හිටියේ නෑ. මං උසස් පෙළ කළේ කලා අංශයෙන්. සිංහල, භූගෝල විද්‍යාව සහ ඉතිහාසය (Correction : English Literature) තමයි කරපු විෂයන්.''
''උසස් පෙළ ඉවර වෙද්දි මට පරිගණක ගැන ලොකු දැනුමක් තිබුණා. උසස් පෙළ ඉවර වෙලා ග්‍රාමීය තොරතුරු මධ්‍යස්ථානයකට සම්බන්ධ වුණා. '' වසර දෙකක් ඔහු එම ග්‍රාමීය තොරතුරු මධ්‍යස්ථානයේ කටයුතු කර ඇත්තේ ස්වේච්ඡාවෙනි. ගමේ ළමයින්ට අධ්‍යාපනය ලබා දෙන අතරතුරු අනෙකුත් සේවා ද ලබා දීමට ඔහු කටයුතු කර තිබිණි'' ගමේදී ගොඩක් අයට උදව් කරන්න, සමාජ සේවා කරන්න හැකි වුණා. ඒ කාලයේ මගේ වැඩ වලට ගොඩක් උදව් වුණේ මගේ හිටපු පෙම්වතිය. (:-)) මොකද මං කියන ඒවා අහගෙන හිටියේ එයා. මං අලූත් දේවල් ගැන කියද්දි ගොඩක් අය හිනා වුණා. එයාලා හිතන්න ඇති මට පිස්සු කියලා. මං ඒ කාලෙදි ගමේ අයට හදා දුන්නා එස්.එම්.එස් එකකින් ගනු දෙනු කරන, බැංකු කටයුතු කරන ක්‍රම. මේවා ගැන අන්තර් ජාලයේ දැකලා මට කොළඹට එන්න ආරාධනාවක් ආවා. ඒ ඔස්සේ තමයි මං කොළඹට ආවේ.'' (Product Available at my Company page)
ඔහුම අත්හදා බැලීම් කර ඒවා සාර්ථක කරගෙන ඔහුම සතුටු වෙයි. ඔහුගේ හඩ අනුව පරිගණකයේ යම් යම් ක්‍රියා කරන පද්ධතියක් ධනේෂ් නිර්මාණ කළේ 2003/2004 දී ය. පරිගණකය වසා දැමීමට අවශ්‍ය වූ විට අප මෙන් ඔහු බොත්තම් ඔබමින් සිටින්නේ නැත. ඔහු කටින් දෙන විධායනයක් අනුව පරිගණකය ''ෂට් ඩවුන්'' වෙයි. (Not for Commercial use, product can be demonstrate upon request) වින්ඩෝස් මීඩියා ප්ලේයරය ඔහු ක්‍රියාත්මක කරන්නේ පරිගණකයට අත තැබීමෙන් නොව කැමරාව ඉදිරියේ කරන හස්ත මුද්‍රාවෙනි. තවත් හස්ත මුද්‍රාවකින් එහි සින්දු ඉදිරියටත්, ආපස්සටත් යයි. අවශ්‍ය වූ විට සින්දු නවත්වන්නේ ද හස්ත මුද්‍රාවෙනි. (Product Demo Available at https://www.facebook.com/
මෙවැනි බොහෝ නිර්මාණ ඔහු තනිවම කළත් කිසිදා ඒ ගැන ප්‍රසිද්ධ කරන්නේ නැත.
''මං තනිවම හදනවා. මට ඒවා හැදුවාට පස්සේ ලොකු සතුටක් දැනෙනවා. ඒත් මං මේව ගැන ප්‍රසිද්ධ කරන්න කියන්න කැමති නෑ. ගොඩක් වැඩසටහන් ගැන කන්සෙප්ට් එක මං ලියා තියනවා. නමුත් ඒවට අවශ්‍ය දේ ගන්න මට අමාරුයි. මොකද ඒවා මිලදී ගන්න මුදල් යනවා. අනික තාක්ෂණාගාරයක් නෑ. මගේ ලොකු ආසාවක් තියනවා නව අත්හදා බැලීම් කරන්න අවශ්‍ය උපකරණ සහිත විද්‍යාගාරයක් හදන්න.
දැන් මං ගොඩක් කරන්නේ වෙබ් අඩවි නිර්මාණය කරන එක. මට වෙබ් අඩවියක් නිර්මාණය කරන්න යන්නේ සුළු වෙලාවයි. සාමාන්‍ය පරිගණක වැඩසටහනක් නිර්මාණය කරන්න යන්නේ සුළු වෙලාවයි.''
ඔහු මේ දිනවල අලූත් අත්හදා බැලීමක් කරමින් සිටියි. ''සාමාන්‍යයෙන් මිනිහෙක් මැරුණම නාඩි වැටෙන එක නවතිනවා. අතේ ඔරලෝසුවක් වගේ එකක් එහෙම නැත්නම් අතට දාන බෑන්ඩ් එකක් නිර්මාණය කරනවා ඒ නාඩි වැටෙන එක හඳුන ගන්න. එතකොට එය දාන් ඉන්න වෙලාවක පුද්ගලයෙක් මිය ගියහොත් ඒ බව අර අත් පළඳනාවෙන් අඳුනගෙන ජංගම දුරකතනයකට එස්.එම්.එස් පනිවුඩයක් මගින් දැනුම් දෙන්න සහ ඊමේල් පනිවුඩයක් මගින් දැනුම් දෙන්න ක්‍රමයක් අත්හදා බලමින් ඉන්නවා.'' (Product concept available at https://www.facebook.com/
''සල්ලි හොයන එකට වඩා මිනිස්සු වෙනුවෙන් උදව් කරන එක ගැන තමා මං හිතන්නේ... ඉන්න ටික කාලේ සම්පූර්ණයෙන්ම තාක්ෂණික සොයාගැනීම් වලට සහ සමාජ සේවයට තමයි ජීවිතය කැප කරන්නේ. කවුරු ළග හිටියත් නොහිටියත් මගේ ගමන මං යනවා...''
ඔහු සමාජ සත්කාර රාශියක් කරයි. පසුගිය දා මිතුරකු (Supun Madushan) සමග විශේෂ අවශ්‍යතා ඇති දරු දැරියන් විශාල පිරිසකට නත්තල් හා අවුරුදු සාදයක් පවත්වා තෑගිබෝග ඛෙදා දෙනු ලැබීය. (Nattal Seeya Awith Program :https://www.facebook.com/
ගමේ හැදී වැඩී ගමට සේවය කර කොළඹ විත් අලූත් අලූත් දේ අත්හදා බලමින් නිර්මාණය කරමින් තනිවම සතුටු වන ධනේෂ් අපේ කාලයේ සැබෑ දක්ෂයෙකි.
ධනේෂ් මධුරංග +94 71 5957545 / +94 77 3366488
ඊමේල් info@nanothinklab.com
ස්කයිප් nano.thinklab
~තරිඳු ජයවර්ධන~ Lankadeepa.lk
