නව නිපැයුම වෙනුවෙන් රටවල් 76 නියෝජනය කරමින් ඇමෙරිකාවේ ඇරිසෝනා ප්‍රාන්තයේ දී තරගකරුවන් 1600 දෙනකු අතරින් විදුලි හා යන්ත්‍රික අංශයේ ප්‍රථම ස්ථානය මිහින්තලේ මහා විද්‍යාලයේ කලා අංශයේ පුබුදු දිනේෂ් චිත්‍රානන්ද කපුගේ සිසුවා දිනාගත්තේය.ඔහු ගලෙන් බිදුණු වැව අලුත් දිවුල් වැව පදිංචි කරුවෙකි.
ඔහුගේ නව නිපැයුම කුඹුරේ නියර කැපීමේ යන්ත්‍රයයි. නියරේ වැවී ඇති වල් පෑලෑටිද ඉවත් කරමින් ලස්සනට නියර සකස් කිරීමට මේ යන්ත්‍රයට හැකියාව ඇත.
කපුගේ නමින් විශ්වයේ තාරකාවක් නම් කිරීමටත් තීරණය විය .ඔහුට ඇමෙරිකාවෙන් ඇමෙරිකා ඩොලර් 3000ක් (රුපියල් 384000 ) හා ඉන්දියාවෙන් ඇමෙරිකා ඩොලර් 500ක (රුපියල් 64000) ත්‍යාගයක් හිමි විය.
ඇමෙරිකා ඉංජිනේරු සමාගමක් රටවල් 7 ක් නම් කර ඔහු කැමති රටකට ශිෂ්‍යත්වයක්ද ලබා දීමට කැමැත්ත පළ කැර ඇත. කොළඹ නාලන්දා විද්‍යාලයේ සිසුහු දෙදෙනක් ආනන්ද විද්‍යාලයෙන් සිසුවෙක්ද මේ තරගයට එක් වුහ. -lankadeepa.lk
