ශ්‍රී ලංකාවට ආවේණික නව සර්ප විශේෂයක් සිංහරාජ වැසි වනාන්තරය අවට ප්‍රදේශයෙන් සොයාගැනීමට මෙරට සිටින ප්‍රවීණ සර්ප විශේෂඥයකු වන මෙන්ඩිස් වික්‍රමසිංහ මහතා සමත්ව තිබෙනවා. තුරුවියන් ස්ථරය ආශ්‍රිතව ජීවත් වන මෙම සර්ප විශේෂය මීට වසර 12කට පමණ පෙර දෙනියාය ප්‍රදේශයට අයත් සිංහරාජ වනයෙන් වාර්තා වී ඇත.

විද්‍යුත් උත්පාදක, විදුලිබල පද්ධතිය හා සම්බන්ධ කිරීමේන් පසු ඇතිවන වෝල්ටීයතා අඩු වැඩිවීම වළක්වා ගැනීම සඳහා “සුහුරු පරිණාමක“ පද්ධතියක් පේරාදෙණිය විශ්ව විද්‍යාලය සහ ලංකා ට‍්‍රාන්ස්ෆෝමර් ආයතනය එක්ව නිර්මාණය කර තිබේ.
‘සුහුරු පරිණාමක‘ මගින් කෙරෙනුයේ සූර්ය පැනල, විද්‍යුත් ජාලකරන සහ විද්‍යුත් උත්පාදක අපගේ විදුලිබල පද්ධතිය හා සම්බන්ධ කිරීමේදී වෝල්ටීයතාව ප‍්‍රමිතියට අනුව 216 ත් 244 ත් අතර අගයක පවත්වා ගැනීමයි.

අප ඉදිරියේ ඇති ජාතික අර්බූද සඳහා තිරසාර විසඳුම් සෙවිය යුත්තේ රාජ්‍ය තන්ත්‍රය තුළයි. නමුත් එම කාරණා පිළිබඳ සමාජ දැනුවත් කිරීම් ආරම්භයට සුදුසුම ස්ථානය පාසල් පද්ධතියයි.

බලශක්ති සුරක්ෂිතතාව අතින් අප රට සිටින්නේ ඉතා අවදානම් මට්ටමකයි. විදුලි පරිභෝජනය ඉහළ යාමට සාපේක්ෂව විදුලි නිෂ්පාදන ධාරිතාව කාලීනව ඉහළ නොයෑමයි මෙයට ප්‍රධාන හේතුව. පවතින තත්ත්වයන් මෙසේ ම පැවතියහොත් වසර 2018 පමණ වන විට විදුලි සැපයුම කප්පාදු කිරීම් නොවැළැක්විය හැකි බව සහ විදුලිය සඳහා අයකිරීම් සියයට පනහකින් පමණ ඉහළ යාම අනිවාර්ය අහිතකර පියවරයන් වනු ඇති බව ක්ෂේත්‍රයේ ප්‍රවීනයන්ගේ අදහසයි.

යම් රෝහලකට රුධිර අවශ්‍යතාවයක් ඇති වූ විටදී එම අවශ්‍ය රුධිර වර්ගය සහිත පරිත්‍යාගශීලීන් ඉක්මණින් හා රෝහල අවට ප්‍රදේශයෙන් සොයා ගැනීමට පහසු වන ආකාරයේ වෙබ් අඩවියක් eblood.lk නමින් ආරම්භ කර තිබෙනවා. මෙම මහඟු සමාජ සත්කාර සේවාව සාර්ථක වීමට නම් ප්‍රථමයෙන්ම අවශ්‍ය මොහොතකදී රුධිරය ලබා දීමට කැමැත්තෙන් සිටින පරිත්‍යාගශීලීන්ගේ තොරතුරු එක් රැස් කර ගත යුතුයි. එලෙස රුධිරය පරිත්‍යාග කිරීමට ඔබත් කැමති නම් දැන්ම www.eblood.lk වෙබ් අඩවිය වෙත පිවිස හදිසි අවශ්‍යතාවයකදී ඔබව සම්බන්ධ කර ගැනීමට අවශ්‍ය තොරතුරු ලබා දෙන්න.