අතුරු ආබාධ හෝමියෝපති ඖෂධ වල නොමැති අතර , අතුරු ආබාධ යන්න නවීන වෛද්‍ය විද්‍යාවේ සංකල්පයකි. නවීන බෙහෙත් වර්ග ශරීරයේ යම් කොටසකට පමණක් ක්‍රියාකාරී වීමට නිෂ්පාදනය කරයි. එනම් රුධිර පද්ධතියට , ආමාශයට , වකුගඩු සදහා ආදී වශයෙන්ය. නමුත් එම ඖෂධ ශරීරය පුරා ක්‍රියාකාරී වීමේදී , ශරීරයේ අනෙක් කොටස් සදහා ද බලපෑමක් ඇති කරයි. මෙහි දී රෝගියාට ඖෂධයේ අතුරු ආබාධ වලට (side effects / අද්වේර්සේ effects ) මුහුණ දීමට සිදුවේ.උදා: Streptomicin නම් ඖෂධය ශ්වසන රෝග , ක්ෂය රෝග වැනි අවස්ථා සදහා යොදා ගන්න ප්‍රත්‍යක්ෂ ඖෂධයක් වන අතර , මෙය දිගු කාලින භාවිතයෙන් බිහිරි බව ඇතිවේ.
හෝමියෝපති වෛද්‍යය ක්‍රමයේ එක් එක් රෝගයට වෙන වෙනම ඖෂධ නියම නොකරන අතර , රෝගියා එක් පුද්ගලයෙකු සේ සලකා සියලුම රෝගිතත්ව සදහා ඖෂධ නියම කරයි. තවද හෝමියෝපති ඖෂධ ශාක, සත්ව හා ඛනිජ ආදී ස්වභාවික සංඝටක වලින් නිපදවයි. එනිසා හෝමියෝපති ඖෂධ මගින් අතුරු ආබාධ , ශරීරයේ පටක විනාශ වීම ආදී තත්ත්ව ඇති නොකරයි.
ළදරුවන්ගේ ප්‍රතිශක්තිය වර්ධනයට
වත්මන් ශ්‍රී ලාංකීය නිරෝගී දරු පරපුරක් බිහිකරිම සදහා ඔබත් හෝමියෝපති වෛද්‍ය ක්‍රමය සමග අත්වැල් බැද ගන්න.
නිදන්ගත රෝග ක්‍රමයෙන් සුව වේ.
හෝමියෝපති ඖෂධ මගින් වේගවත් ලෙස තීව්‍ර (acute) රෝග සුව වන අතර , නිදන්ගත රෝග ක්‍රමයෙන් සුව වේ. සැම වෛද්‍ය ක්‍රමයක මෙන්ම හෝමියෝපති වෛද්‍ය ක්‍රමයෙදී ද රෝග සුවවීමට අදාල කරුණු ගණනාවක් වේ. මෙහිදී රෝගියාගේ රෝගී තත්වය, රෝගයේ කාල සීමාව , රෝගියාගේ ස්වභාවික ප්‍රතිශක්තිය හා පුද්ගලයාගේ ජානමය සම්බන්දතා යන කරුණු වැදගත් වේ. එසේ වුවද දැනුමැති වෛද්‍යවරයා නිවැරදි ඖෂධය , නිසි මාත්‍රාවෙන් , සුදුසු වාර ගණන නිසි ලෙස නියම කිරීමට සමත්ව සිටි නම් රෝග තත්වය පාලනය කිරීමක් නොව රෝගය 100% සුවකළ හැකිය.
රජයේ හෝමියෝපති රෝහල - වැලිසර -
වැලිසර පිහිටි රජයේ හෝමියෝපති රෝහල 2003 ජනවාරි මස 03වන දින ආරම්භ කරන ලද අතර වර්තමානයේ දේශීය වෛද්‍යය අමාත්‍යාංශය මගින් පාලනය වේ. රජයට අයත් එකම හෝමියෝපති රෝහල වන්නේද මෙම රෝහලයි. දැනට බාහිර රෝගී ප්‍රතිකාර අංශයක් සාර්ථක ලෙස විධිමත්ව පවත්වා ගෙන යනු ලැබේ. ප්‍රථම වතාවට අභ්‍යන්තර රෝගී අංශයක් ඇදන් 20කින් සමන්විතව ආරම්භ කිරීමට පියවර ගෙන ඇති මෙම රෝහල ඉදිරියේ දී නවීන වෛද්‍ය පරීක්ෂණ පහසුකම් සහිත ශික්ෂණ රෝහලක් දක්වා දියුණු කිරීමට අපේක්ෂා කෙරේ.
කොළඹ මිගමුව ප්‍රධාන පාරේ වැලිසර ලය රෝහලට යාබදව පිහිට ඇත. ලය රෝහලට මීටර 100ක් පමණ දුරින් හා මිගමු දෙසට යන විට අඩි විස්ස යැයි පවසන බස් නැවතුම්පොළ ඉදිරි පිට පිහිටි ෂෙල්ටන් ජයසිංහ මාවතේ අංක 94, යන ස්ථානයේ රජයේ හෝමියෝපති රෝහල පිහිටා ඇත.
බාහිර රෝගී අංශය මගින් දිනකට 150 - 200 අතර රෝගීන් ප්‍රමාණයකට නොමිලේ ප්‍රතිකාර සලසන අතර , අභ්‍යන්තර රෝගී අංශයෙහි දිනකට රෝගීන් 20කට නේවාසික ප්‍රතිකාර ලබා ගත හැකි වේ.
වැලිසර රජයේ හෝමියෝපති රෝහල මගින් පහත සදහන් රෝග සදහා ඔබට දිනපතා ප්‍රතිකාර ලබා ගත හැකි වේ.
- සියලුම ළමා හා කාන්තා රෝග.
- ඇදුම හා ස්වසන ආබාධ.
- සමේ රෝග.
- ආමාශගත රෝග.
- ස්නායු රෝග
- දීර්ඝ කාලින හිසරදය.
- ගලගණ්ඩය
- දියවැඩියාව.
- අධිරුධිර පීඩනය.
- අධික කොලෙස්ටරෝල් තත්ව
ඔබගේ සියලු රෝග සදහා හෝමියෝපති වෛද්‍ය ක්‍රමය මගින් ප්‍රතිකාර කල හැක. හෝමියෝපති ඖෂධ අතුරු අබාධ රහිත , පාවිච්චියට ඉතා පහසු අතර , මෙම ඖෂධ භාවිතයෙන් ඔබගේ ස්වභාවික ප්‍රතිශක්තිය ඉහල යයි. එමගින්, රෝගවලට ඔරොත්තුදීමේ හැකියාව ඉහල යයි.
අදම ඔබගේ රෝගී තත්වය සදහා හෝමියෝපති ප්‍රතිකාර ලබා ගන්න.
Facebook page Homoeopathy Lanka
