ලංකාවේ ඉදි කිරීමට නියමිත ලොව විශාලතම ගොඩනැගිල්ල වන World Capital Centre 2017 වසරේ පෙබරවාරි 04 වනදා මුල්ගල් තැබීමට නියමිත බව වාර්තා වේ. World Capital Centre ගොඩනැගිල්ල මීටර් 625 ක් උසකින් යුක්ත වන අතර මහල් 117 කින් සමන්විත වේ. එම ගොඩනැගිල්ල සාදා නිමකළ පසු පෙනෙන අන්දම පහත ඡායාරූප හා වීඩියෝවෙන් දැක්වේ.ලංකාවේ උසම ගොඩනැගිල්ල කිව්වම අපිට එකපාරටම මතක් වෙන්නේ තට්ටු 40 ක් තියන කොටුවෙ ලෝක වෙළද මධ්‍යස්ථාන කුළුනු දෙකනේ.මේ වගේ හතර ගුණයක් උස ගොඩනැගිල්ලක් ගැන කිව්වොත් ඔබට එක පාරටම හිතාගන්නත් බැරි වෙන්න පුළුවන්.ඔබට ඒ හිතාගන්නවත් බැරි උසක් තියන ඒ ගොඩනැගිල්ල ඔන්න ලංකාවේ හදන්නයි යන්නේ. 2017 අවුරුද්දේ ඉදිකිරීම් කටයුතු ආරම්භ කරන්න ලහි ලහියේ සූදානම් වෙන WCC එහෙමත් නැත්නම් World Capital Centre ගැන තමයි මේ කියන්න යන්නේ.
මුළු කොළඹ නගරය වගේම මුහුදත් ලස්සනට පේන විදිහට ඉදිවෙන මේ WCC කුළුන තරු හතේ හෝටලයක්,නේවාසික කළාප වගේම සාප්පු සංකීර්ණ ඇතුළු ආර්ථික කේන්ද්‍රස්ථානයකට අවශ්‍ය හැම පහසුකමකින්ම සමන්විත වෙනවා. බැංකු,අධ්‍යාපනික ආයතන,නිමි ඇදුම්,සම්මන්ත්‍රණ ශාලා,විනෝදාස්වාදය වගේ තේමාවන්ට අනුව කළාප 50 කට වෙන් කරලා තියන WCC කුළුන ඇතුලෙ සාප්පු 3000 ක් තියන ලංකාවෙ ලොකුම වෙළද මධ්‍යස්ථානයත් ඉදිවෙනවා.
උපුටා ගැනීම - නෙත් ගොසිප්
