සෞඛ්‍ය අමාත්‍යංශය විසින් නියෝග කර ඇති තම සියළු නිෂ්පාදන ඉදිරි පැය 48 ඇතුලත ඉවත් කර ගන්නා බවත් ඔහු කීය.
‘ඞීසීඞී කියන්නෙ ඔබ සියළු දෙනාටම පැහැදිලි වෙන්න ඇති ලූණු වලටත් වඩා තුන් ගුණයකටත් වඩා විෂ අඩු සංගටකයක්. මේක ඇත්තටම අපි නෙමෙයි කියන්නෙ යුරෝපීය සංගමයේ විද්‍යාත්මක සරඟරාවක තමයි මේ සියළු දත්ත සඳහන් වෙන්නෙ. මේව සියල්ල විද්‍යාත්මක දත්ත. මේ සම්බන්ධයෙන් කාටහරි විද්‍යාත්මක සාකච්චාවක් අවශ්‍ය නම් අපිට ඒකට ඉඩ ලබා දෙන්න පුළුවන්’ යයිද ෆොන්ටෙරා ප‍්‍රධානියා වගු කිහිපයක් ගෙන හැර පාමින් සඳහන් කලේය. ඔහුගේ හඬ පටය මෙතනින් (Link)
කෙසේ වෙතත් ෆොන්ටෙරා බලධාරියාගේ මෙම ප‍්‍රකාශය දැඩි ලෙස විවේචනය කරමින් අදහස් පල කල රජයේ වෛද්‍ය නිලධාරීන්ගේ සංගමයේ සභාපති විශේෂඥ වෛද්‍ය අනුරුද්ධ පාදෙණිය මහතා සඳහන් කලේ සෞඛ්‍ය අමාත්‍යංශයෙන් නිර්දේශ කර ඇති ලූණු සම්බන්ධයෙන් සාහසික ප‍්‍රකාශ කිරීමට බහුජාතික සමාගම්වල නිලධාරීන්ට කිසිදු අයිතියක් නොමැති බවයි. මේ සම්බන්ධයෙන් රජයේ වෛද්‍ය නිලධාරීන්ගේ සංගමය ඉදිරියේදී දැඩි ක‍්‍රියාමාර්ග ගැනීමට කටයුතු කරන බවද ඒ මහතා දැඩිව කියා සිටියේය.
ඒ මහතාගේ හඬ පටය
මේ සම්බන්ධයෙන් අදහස් පල කරන දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා සඳහන් කලේ බහුජාතික සමාගම තම නිෂ්පාදනවල ඞීසීඞී විෂ ඇති බව දැන් පිළිගෙන ඇති බවයි. ඔවුන්ට අපරාධ නීතිය යටතේ කටයුතු කල යුතු යයිද පැවසූ ඒ මහතා ෆොන්ටෙරා සමාගම ආහාරවලට විෂ වර්ග එක් කිරීම සම්බන්ධයෙන් පෙර වැරදිකරුවෙක් යයිද කීවේය.
ඒ මහතාගේ හඬ පටය
උපුටා ගෑනීම - lankacnews.com
